കേരളാ ബ്ലാസ്റ്റേഴ്സ് പരിശീലകൻ ഇവാൻ വുകോമനോവിച്ചിനെതിരായ നടപടി സൂപ്പർ കപ്പ് തുടങ്ങുന്നതിന് മുമ്പ് പ്രഖ്യാപിക്കുമെന്ന് സൂചന. ജേണലിസ്റ്റ് മാർക്കസ് മെർഹുലാവോയാണ് ഇക്കാര്യം ട്വീറ്റ് ചെയ്തിരിക്കുന്നത്.
ഐഎസ്എൽ പ്ലേ ഓഫ് പോരാട്ടത്തിൽ ബെംഗളുരു നേടിയ ഗോൾ റെഫറിയിങ് പിഴവാണെന്ന് ആരോപിച്ച് ഇവാൻ കളിക്കാരെ തിരിച്ചുവിളിച്ചിരുന്നു. പിന്നീട് കളിക്കളത്തിലേക്ക് തിരിച്ചുവരുകയും ചെയ്തിട്ടില്ല. ഈ സംഭവത്തിൽ ഓൾ ഇന്ത്യ ഫുട്ബോൾ ഫെഡറേഷന്റെ അച്ചടക്ക സമിതി അന്വേഷണം നടത്തിയിരുന്നു. പല മാധ്യമങ്ങളുടേയും റിപ്പോർട്ടുകൾ പ്രകാരം ഇവാന് വിലക്കേർപ്പെടുത്താൻ സാധ്യതയുണ്ട്. എന്നാൽ ഇതുവരെ ഇക്കാര്യത്തിൽ ഔദ്യോഗിക പ്രഖ്യാപനം വന്നിട്ടില്ല.
അടുത്ത തിങ്കളാഴ്ചയാണ് കേരളത്തിൽ സൂപ്പർ കപ്പ് തുടങ്ങുന്നതിന്. ടൂർണമെന്റിന് മുന്നോടിയായി ബ്ലാസ്റ്റേഴ്സ് തയ്യാറെടുപ്പും തുടങ്ങിയിട്ടുണ്ട്. എന്നാൽ ഇതിനിടെയാണിപ്പോൾ സൂപ്പർ കപ്പിന് മുമ്പ് തന്നെ ഇവാനെതിരെ നടപടി പ്രഖ്യാപിക്കുമെന്ന സൂചന ലഭിക്കുന്നത്.
