SHARE

ഇന്ത്യൻ സൂപ്പർ ലീ​ഗ് ക്ലബ് ബെം​ഗളുരു എഫ്സി സ്പാനിഷ് താരം ജാവി ഹെർണാണ്ടെസിനെ ഒപ്പം കൂട്ടി. മിഡ്ഫീൽഡറാണ് 33-കാരനായ ജാവി. ഇക്കാര്യത്തിൽ ഔദ്യോ​ഗിക പ്രഖ്യാപനം വന്നുകഴിഞ്ഞു.

ഇന്ത്യൻ സൂപ്പർ ലീ​ഗിലെ പരിചയസമ്പന്നരിലൊരാളാണ് ജാവി. 2019-20 സീസണിൽ എടികെയിലൂടെ താരം ഇന്ത്യയിലേക്കെത്തുന്നത്. ആദ്യ സീസണിൽ തന്നെ ടീമിലെ ഐഎസ്എൽ കിരീടജേതാക്കളാക്കുന്നതിൽ നിർണായക പങ്ക് വഹിച്ചു ജാവി. അന്ന് ചെന്നൈയിനെതിരായ ഫൈനലിൽ രണ്ട് ​ഗോളും ജാവി നേടിയിരുന്നു. തുടർന്ന് എടികെ മോഹൻ ബ​ഗാനുമായി ലയിച്ചപ്പോഴും ജാവി ക്ലബിൽ തുടർന്നു.

കഴിഞ്ഞ ഐഎസ്എല്ലിൽ ഒഡിഷയ്ക്ക് വേണ്ടിയാണ് ജാവി കളിച്ചത്. ഒഡിഷയ്ക്കായി 19 മത്സരങ്ങൾ കളിച്ച ജാവി ആറ് ​ഗോളുകൾ നേടി. ഒഡിഷ സീസണിൽ നിരാശപ്പെടുത്തിയെങ്കിലും ജാവിയുടെ പ്രകടനം ശ്രദ്ധേയമായിരുന്നു. എന്നാൽ സീസൺ അവാസനിച്ചതിന് പിന്നാലെ തന്നെ ജാവിയെ ഒപ്പം കൂട്ടാനുള്ള കരുക്കൾ ബെം​ഗളുരു നീക്കുകയായിരുന്നു.