ഇന്ത്യൻ സൂപ്പർ ലീഗ് ക്ലബ് ചെന്നൈയിൻ എഫ്സി സൂപ്പർതാരം ഫാറൂഖ് ചൗധരിയുടെ സൈനിങ് പൂർത്തിയാക്കി. ഒന്നിലേറെ വർഷം നീളുന്ന കരാറിൽ താരെ ചെന്നൈയിന്റെ ഭാഗമായതായി ഖേൽനൗവാണ് റിപ്പോർട്ട് ചെയ്തിരിക്കുന്നത്.
26-കാരനായ ഈ വിങ്ങർ കഴിഞ്ഞ രണ്ട് സീസണുകളായി ജെംഷദ്പുർ എഫ്സിക്ക് വേണ്ടിയാണ് കളിച്ചിരുന്നത്. എന്നാൽ കഴിഞ്ഞ ദിവസം കരാർ കാലാവധി പൂർത്തിയായതിന് പിന്നാലെ ഫാറൂഖ് ക്ലബ് വിട്ടിരുന്നു. തുടർന്നാണ് താരം ചെന്നൈയിന്റെ ഭാഗമാകുന്നത്. മറ്റ് മൂന്ന് ക്ലബുകളിൽ നിന്നുകൂടി ഫാറൂഖിന് ഓഫറുകളുണ്ടായിരുനെന്നും എന്നാൽ താരം ചെന്നൈയിന് കൈകൊടുക്കുകയായിരുന്നുവെന്നുമാണ് സൂചന.
2916-ൽ കേരളാ ബ്ലാസ്റ്റേഴ്സിലൂടെയാണ് ഫാറൂഖിന്റെ ഐഎസ്എൽ അരങ്ങേറ്റം. പിന്നീട് മൂന്ന് സീസൺ ജെംഷദ്പുരിനായി കളിച്ചശേഷം ഫാറൂഖ് മുംബൈ സിറ്റിയിലേക്ക് കൂടുമാറി. ഒരു സീസൺ മുംബൈയിൽ കളിച്ചശേഷം ഫാറൂഖ് വീണ്ടും ജെംഷ്ദ്പുരിൽ തിരിച്ചെത്തുകയായിരുന്നു. ഇന്ത്യൻ ദേശീയ ടീമിനായി 14 മത്സരങ്ങളും ഫാറൂഖ് കളിച്ചിട്ടുണ്ട്.
