SHARE

ഇന്ത്യൻ സൂപ്പർ ലീ​ഗ് ക്ലബ് ചെന്നൈയിൻ എഫ്സി സീസണിലെ ആദ്യ വിദേശസൈനിങ് പ്രഖ്യാപിച്ചു. സെന്റർ ബാക്ക് ഫാളോ ഡി​ഗ്നെയാണ് ചെന്നൈയിനിലേക്ക് വരുന്നത്. സെന​ഗലീസ് താരമാണ് 32-കാരനായ ഡീ​ഗ്നെ.

യൂറോപ്യൻ ക്ലബ് ഫുട്ബോളിൽ ഒന്നരപതിറ്റാണ്ടോളം നീണ്ട പരിചയസമ്പത്തുമായാണ് ഡീ​ഗ്നെ ചെന്നൈയിനിലേക്കെത്തുന്നത്. ഫ്രാൻസ്, ജെർമനി, തുർക്കി, അൽബേനിയ തുടങ്ങിയ രാജ്യങ്ങളിൽ ക്ലബ് ഫുട്ബോൾ കളിച്ച ഡീ​ഗ്നെ, സെന​ഗൽ ദേശീയ ടീമിനായി മൂന്ന് മത്സരങ്ങൾ കളിച്ചു.

ഫ്രാൻസിലെ മെറ്റ്സിലൂടെ കരിയർ തുടങ്ങിയ ഡീ​ഗ്നെ, ഫ്രെയ്ബെർ​ഗ്, വെർഡർ ബ്രെമൻ എന്നീ ക്ലബുകൾക്കായാണ് ജർമനിയിലെ ബുന്ദസ്‌ലി​ഗയിൽ കളിച്ചത്. അൽബേനിയൻ ക്ലബ് വ്ലാസ്നിയ ഷ്കോദറിനായാണ് ഡീ​ഗ്നെ, ഒടുവിൽ കളിച്ചത്. ഇപ്പോഴത്തെ ചെന്നൈയിൻ പരിശീലകൻ തോമസ് ബർദാറിച്ചിന് കീഴിൽ ഇതേ ക്ലബിൽ കളിച്ച താരമാണ് ഡീ​ഗ്നെ.