SHARE

ഇന്ത്യൻ സൂപ്പർ ലീ​ഗിന്റെ എട്ടാം സീസണിന് തയ്യാറെടുക്കുകയാണ് എഫ്സി. കഴിഞ്ഞ സീസണിൽ ഏറെ മാറ്റങ്ങൾ ഉണ്ടായിട്ടും പ്ലേ ഓഫ് വരെയെത്തി മികവ് തെളിയിക്കാൻ ​ഗോവയ്ക്ക് സാധിച്ചിരുന്നു. വിദേശതാരങ്ങളിലടക്കം സ്ക്വാഡിൽ കാര്യമായ മാറ്റങ്ങളില്ലാതെയാണ് ഇക്കുറി ​ഗോവ ഇറങ്ങുന്നത്. ഡ്യൂറാൻഡ് കപ്പിൽ കിരീടമുയർത്തി ​ഗോവ സീസൺ ഉജ്ജ്വലമായി തുടങ്ങുകയും ചെയ്തു.

ഇക്കുറി ഐഎസ്എല്ലിൽ വിദേശതാരങ്ങളുടെ എണ്ണം കുറിച്ചിട്ടുണ്ട്. ടീമുകൾക്ക് സൈൻ ചെയ്യാവുന്ന വിദേശികളുടെ എണ്ണം ആറും പ്ലേയിങ് ഇലവനിൽ നാലുമായാണ് കുറച്ചത്. എന്നാൽ കഴിഞ്ഞ സീസണിൽ തന്നെ ​ഗോവ പല മത്സരങ്ങളും വിദേശികളുടെ എണ്ണം കുറച്ചാണ് കളിച്ചത്. അതുകൊണ്ട് തന്നെ ഈ മാറ്റം ​ഗോവയെ കാര്യമായി ബാധിക്കില്ല എന്നാണ് പരിശീലകൻ ജുവാൻ ഫെറാൻഡോ പറഞ്ഞത്. ടൈംസ് ഓഫ് ഇന്ത്യക്ക് നൽകിയ അഭിമുഖത്തിലാണ് അദ്ദേഹം ഇക്കാര്യം വിശദമാക്കിയത്.

ലൈനപ്പ് തയ്യാറാക്കുമ്പോൾ ഞാനൊരിക്കലും കളിക്കാരുടെ പേരുകളല്ല നോക്കുന്നത്, അവർ ഇന്ത്യക്കാരോണോ വിദേശികളാണോ എന്നൊന്നും പരി​ഗണിക്കില്ല, എന്നെ സംബന്ധിച്ചിടത്തോളം അവരെല്ലാവരും എഫ്സി ​ഗോവ എന്ന ടീമിന്റെ ഭാ​ഗമാണ്, വിദേശതാരങ്ങളായതുകൊണ്ട് മാത്രം ആർക്കും ലൈനപ്പിൽ സ്ഥാനം ഉറപ്പുണ്ടാകില്ല, നാല് വിദേശികളെയെ കളിപ്പിക്കാനകു എന്നത് സത്യമാണ്, ചാമ്പ്യൻസ് ലീ​ഗിൽ ഇക്കാര്യത്തിൽ ഏറെ ബുദ്ധിമുട്ട് നേരിട്ടിരുന്നു, എന്നാൽ ഞാൻ ഇന്ത്യൻ താരങ്ങളിൽ വിശ്വസിക്കുന്നു, ഫെറാൻഡോ വ്യക്തമാക്കി.