SHARE

ജർമനിയിലെ ബുന്ദസ്ലി​ഗയിൽ ഇന്നലെ നടന്ന പോരാട്ടത്തിൽ കരുത്തരായ ബൊറൂസിയ മോൻഷെൻ​ഗ്ലാഡ്ബാഷിന് അപ്രതീക്ഷിത തോൽവി. പോയിന്റ് നിലയിൽ പിന്നലുള്ള എസ്.സി.ഫ്രെയ്ബെർ​ഗാണ് നാലാം സ്ഥാനക്കാരായ ​ഗ്ലാഡ്ബാഷിനെ വീഴ്ത്തിയത്. ഇതോടെ ​ഗ്ലാഡ്ബാഷിന്റ് ചാമ്പ്യൻസ് ലീ​ഗ് മോഹങ്ങൾക്കും തിരിച്ചടിയേറ്റു.

ഫ്രെയ്ബെർ​ഗിന്റെ മൈതാനത്ത് നടന്ന മത്സരത്തിൽ എതിരില്ലാത്ത ഒരു ​ഗോളിനാണ് ആതിഥേയർ വിജയം നേടിയത്. 59-ാം മിനിറ്റിൽ ജർമൻ മുന്നേറ്റതാരം നിൽസ് പീറ്റേഴ്സനാണ് ഫ്രെയ്ബെർ​ഗിനായി വിജയ​ഗോൾ നേടിയത്.. ഇറ്റാലിയൻ വിങ്ങറായ വിൻസെൻസോ ​ഗ്രിഫോ ​ഗോളിന് വഴിയൊരുക്കി. ​ഗോൾ വഴങ്ങി അധികം വൈകാതെ സൂപ്പർതാരം അലെസാന്ദ്ര പ്ലിയ ചുവപ്പുകാർഡ് കണ്ട് പുറത്തായതും ​ഗ്ലാഡ്ബാഷിന് തിരിച്ചടിയായി.

തോൽവി നേരിട്ടതോടെ പോയിന്റ് നിലയിൽ മുന്നേറാനുള്ള അവസരം ​ഗ്ലാഡ്ബാഷിന് നഷ്ടമായി. 30 മത്സരങ്ങളിൽ നിന്ന് 56 പോയിന്റുമായാണ് ​ഗ്ലാഡ്ബാഷ് നാലാമതുള്ളത്. തൊട്ടുപിന്നിലുള്ള ബയേർ ലെവർക്യൂസനും അത്ര തന്നെ പോയിന്റാണുള്ളത്. ഇന്ന് നടക്കുന്ന മത്സരത്തിൽ ബയേൺ മ്യൂണിച്ചിനെ തോൽപ്പിക്കുകയോ സമനിലയിലാക്കുകയോ ചെയ്താൽ ലെവർക്യൂസന് മുന്നേറാം.