SHARE

‌കേരള ബ്ലാസ്റ്റേഴ്സ് എഫ്‌സിയുടെ സഹ പരിശീലകനായി ഇഷ്ഫാഖ് അഹമ്മദ് തുടരും. മൂന്ന് വർഷത്തേക്കാണ് ക്ലബ്ബ് കരാർ പുതുക്കിയിരിക്കുന്നത്.

ശ്രീനഗറിൽ നിന്നുള്ള പരിചയസമ്പന്നനായ ഫുട്ബോൾ താരമായ ഇഷ്ഫാഖ് രാജ്യത്തെ മികച്ച ഐ-ലീഗ്, ഇന്ത്യൻ സൂപ്പർ ലീഗ് ഫുട്ബോൾ ക്ലബ്ബുകൾക്കായി കളിച്ചിട്ടുണ്ട്. 2014 ൽ കേരള ബ്ലാസ്റ്റേഴ്സിൽ സെൻട്രൽ മിഡ്ഫീൽഡറായി ചേർന്നു.

തുടർന്നുള്ള വർഷങ്ങളിൽ അദ്ദേഹം പ്ലെയറും സഹ പരിശീലകനായി തുടർന്നു. ബി-ലെവൽ എ.എഫ്.സി കോച്ചിംഗ് സർട്ടിഫിക്കറ്റ് കോഴ്‌സ് പൂർത്തിയാക്കിയ കശ്മീരി താരമായ ഇഷ്ഫാഖ് ഐ‌എസ്‌എൽ ആറാം സീസണിൽ ക്ലബിൽ തിരിച്ചെത്തി. ഐ‌എസ്‌എല്ലിൽ രണ്ടുതവണ ഫൈനലിസ്റ്റുകളായ ടീമിന്റെ ഭാഗമായിരുന്ന ഇഷ്ഫാക്ക് പ്രീ ഒളിമ്പിക്, ലോകകപ്പ് യോഗ്യതാ റൗണ്ടുകൾ ഉൾപ്പെടെ നിരവധി തവണ ഇന്ത്യയെ പ്രതിനിധീകരിച്ചിട്ടുണ്ട്.

ഒരു കളിക്കാരനെന്ന നിലയിലും പരിശീലകനെന്ന നിലയിലും ഈ മികച്ച ക്ലബ്ബിനെ സേവിക്കാൻ അവസരം നൽകിയതിന് മാനേജ്മെന്റിന് നന്ദി പറയാൻ ഞാൻ ആഗ്രഹിക്കുന്നു. ഈ യാത്ര ഇതുവരെ ആവേശകരമായിരുന്നു, വരാനിരിക്കുന്ന സീസണിലേക്ക് പുതിയ പരിശീലകനോടൊപ്പം പ്രവർത്തിക്കാൻ ആകാംക്ഷയോടെ കാത്തിരിക്കുകയാണ് ഇഷ്ഫാഖ് പ്രത്യാശപ്രകടിപ്പിച്ചു.

ഇഷ്ഫാഖിന്റെ സമ്പന്നമായ അനുഭവവും ഫലപ്രദമായ മാർഗ്ഗനിർദ്ദേശവും പ്രൊഫഷണൽ പ്രതിബദ്ധതയും ടീമിന് വലിയ മൂല്യമാണ് നൽകുന്നത്. അദ്ദേഹത്തിന്റെ കാഴ്ചപ്പാടിനെ പിന്തുണയ്ക്കുന്നത് ക്ലബ് തുടരും, ബ്ലാസ്റ്റേഴ്സ് സ്പോർട്ടിംഗ് ഡയറക്ടർ കരോലിസ് സ്കിൻകിസ് പറയുന്നു