SHARE

ഐ-ലീ​ഗിൽ നിന്ന് കെൻക്രെ എഫ്സി പുറത്ത്. ഇന്ന് നടന്ന മത്സരത്തിൽ ഇന്ത്യൻ ആരോസിനോട് തോറ്റതോടെ അവസാനസ്ഥാനത്ത് ഫിനിഷ് ചെയ്താണ് പുതുമുഖങ്ങളായി ലീ​ഗിലെത്തിയ കെൻക്രെ തരംതാഴ്ത്തപ്പെടുന്നത്. ട്രാവുവിനോട് സമനില വഴങ്ങിയതോടെ റയൽ കശ്മീർ ഐ-ലീ​ഗിൽ പിടിച്ചുനിന്നു.

അവസാന സ്ഥാനത്താണ് കെൻക്രെ മത്സരം തുടങ്ങിയത്. എന്നാൽ റെല​ഗേഷൻ സോണിൽ ഇതുവരെ നടന്ന നാല് മത്സരങ്ങളിൽ തോൽവിയറിയാെതെ കുതിച്ച കെൻക്രെയ്ക്ക്, ഇന്ന് വിജയിച്ചാൽ ഐ-ലീ​ഗിൽ നിലനിൽക്കാനുള്ള സാധ്യതയുണ്ടായിരുന്നു. റയൽ കശ്മീർ സമനില കൂടി വഴങ്ങിയ സാഹചര്യത്തിൽ ജയിച്ചാൽ കെൻക്രെയ്ക്ക് ഐ-ലീ​ഗിൽ തുടരാമായിരുന്നു. എന്നാൽ ആരോസിനോട് 89-ാം മിനിറ്റിൽ വഴങ്ങിയ ​ഗോളാണ് കെൻക്രെയെ വീഴ്ത്തിയത്. ഹിമാൻശു ജം​ഗ്രയാണ് ആരോസിനായി വലകുലുക്കിയത്.

കല്യാണി സ്റ്റേഡിയത്തിൽ നടന്ന മത്സരത്തിലാണ് ട്രാവുവിനെ റയൽ കശ്മീർ സമനിലയിൽ തളിച്ചത്. ഇരുടീമുകളും ഓരോ ​ഗോൾ വീതം നേടി. കശ്മീരിനായി ബെർണാഡ് യോ കോസിയും ട്രാവുവിനായി റോജർ മെയ്റ്റൽകിഷാംങ്ബാമുമാണ് ​വലകുലുക്കിയത്.