SHARE

റയൽ മഡ്രിഡ് എന്ന ചാമ്പ്യൻ ക്ലബിന് കഷ്ടകാലം മാറുന്നില്ല. ക്ലബിന്റെ ചരിത്രത്തിലെ തന്നെ ഏറ്റവും ദയനീയ പ്രകടനം അടയാളപ്പെടുത്തി റയൽ വീണ്ടും തോറ്റു. സ്വന്തം തട്ടകമായി സാന്റിയാ​ഗോ ബെർണബ്യുവിൽ റയലിനെ വീഴ്ത്തിയത് കുഞ്ഞന്മാരായ ലെവന്റെ.

​ഇസ്കോ, ​ഗാരത് ബെയിൽ തുടങ്ങിയ സൂപ്പർ താരങ്ങൾ പരിക്കിൽ നിന്ന് മോചിതനായി തിരിച്ചെത്തിയ മത്സരത്തിലായിരുന്നു റയലിന്റെ തോൽവി. ലാ ലി​ഗയിൽ പതിനൊന്നാം സ്ഥാനത്തുള്ള ലവന്റെ ഒന്നിനെതിരെ രണ്ട് ​ഗോളിനാണ് റയലിനെ തകർത്തത്. മത്സരത്തിൽ ആറാം മിനറ്റിൽ ഹോസെ മൊറെയിൽസിലൂടെ ലെവന്റെ മുന്നിലെത്തി. റയൽ പ്രതിരോധനിരയിൽ റഫേൽ വരന് പാസ് മുൻകൂട്ടി കാണുന്നതിൽ സംഭവിച്ച പിഴവാണ് ​ഗോളിന് കാരണം.

അപ്രതീക്ഷിതമായി വഴങ്ങയി ​ഗോളിന്റെ ഞെട്ടലിൽ നിന്ന് ഉണർന്നപ്പോഴേക്കും പതിമൂന്നാം മിനിറ്റിൽ റയലിന് രണ്ടാമത്തെ അടി കിട്ടി. ഇക്കുറി ഹാൻഡ്ബോളിന് ലഭിച്ച പെനാൽറ്റിയുടെ രൂപത്തിൽ. ഇതിനും കാരണക്കാരൻ വരാൻ തന്നെ. കിക്കെടുത്ത റോജർ മാർട്ടിക്ക് തെറ്റിയില്ല. ലെവന്റെയ്ക്ക് രണ്ട് ​ഗോൾ ലീഡ്. രണ്ടാം പകുതിയിൽ 72-ാം മിനിറ്റിൽ മാഴ്സലോ റയലിനായി ഒരു ​ഗോൾ മടക്കി. തുടർച്ചയായി നാല് മത്സരങ്ങൾക്ക് ശേഷമാണ് റയൽ ​ഗോൾ നേടുന്നത്.

മത്സരത്തിനിടെ നാണക്കേടിന്റെ മറ്റൊരു ചരിത്രവും റയൽ കുറിച്ചു. 116 വർഷത്തെ ക്ലബിന്റെ ചരിത്രത്തിൽ ഏറ്റവും ദൈർഘ്യമേറിയ ​ഗോൾ വരൾച്ചയാണ് ഇപ്പോൾ റയലിനെ പിടികൂടിയത്. ഇന്നത്തെ മത്സരത്തിൽ ​ഗോൾ നേടാതെ 55-ാം മിനിറ്റ് പിന്നിട്ടതോടെയാണ് ഈ നാണംകെട്ട റിക്കാർഡ് .