ലാ ലിഗയിൽ സെവിയ്യക്കെതിരെ റയൽ മഡ്രിഡിന് ജയം. എതിരില്ലാത്ത ഒരു ഗോളിനാണ് സെവിയ്യയെ റയൽ വീഴ്ത്തിയത്. വിജയത്തോടെ പോയിന്റ് പട്ടികയിൽ റയൽ രണ്ടാം സ്ഥാനത്തേക്കെത്തി.
റയൽ മുൻ പരിശീലകനായിരുന്ന ജൂലൻ ലൊപ്പെറ്റെഗ്വിയുടെ കീഴിലിറങ്ങിയ സെവിയ്യക്കെതിരെ എവേ ജയം നേടിയത് റയലിന് ആത്മവിശ്വാസം പകരുന്നു. ആവേശകരമായ മത്സരത്തിന്റെ 64-ാം മിനിറ്റില് ഫ്രഞ്ച് സൂപ്പർ താരം കരീം ബെൻസിമയാണ് റയലിന്റെ വിജയഗോൾ നേടിയത്. വിജയത്തോടെ പതിനൊന്ന് പോയിന്റുമായാണ് റയൽ ലീഗിൽ രണ്ടാം സ്ഥാനത്തേക്കെത്തിയത്.
പതിനൊന്ന് പോയിന്റ് തന്നെയുള്ള അത്ലെറ്റിക്ക് ബിൽബാവോയാണ് ഒന്നാമത്. ഗോൾ വ്യത്യാസമാണ് ബിൽബാവോയ്ക്ക് തുണയായത്. ബാഴ്സലോണ പോയിന്റ്നിലയിൽ എട്ടാമതാണ്.
