SHARE

ഇക്കുറി പുതിയ സീസൺ തുടങ്ങുമ്പോഴെ തന്നെ കനത്ത തിരിച്ചടിയേറ്റ അവസ്ഥയിലാണ് റയൽ മഡ്രിഡ്. പ്രീ സീസൺ മത്സരങ്ങളിൽ ദയനീയ പ്രകടനത്തിന് പുറമെ സൂപ്പർ താരങ്ങളിൽ പലർക്കും പരിക്കേറ്റതാണ് റയലിന് ആശങ്കയായത്.

ഈയാഴ്ച ലാ ലി​ഗ സീസൺ ആരംഭിക്കാനിരിക്കെ റയലിന് ഇരട്ടിപ്രഹരമേൽപ്പിച്ച് യുവതാരം റോഡ്രി​ഗോ ​ഗോസിന് പരിക്കേറ്റു. കാലിന്റെ പിൻതുടഞരമ്പിന് പരിക്കേറ്റ റോഡ്രി​ഗോയ്ക്ക് ഒരു മാസത്തോളം പുറത്തിരിക്കേണ്ടിവരും. പതിനെട്ടുകാരനായ റോഡ്രി​ഗോ ഇക്കുറിയാണ് ബ്രസീലിയൻ ക്ലബ് സാന്റോസിൽ നിന്ന് റയലിലെത്തിയത്. യൂത്ത് ടീമിലേക്ക് പരി​ഗണിച്ച താരമായിരുന്നു റോഡ്രി​ഗോ. എന്നാൽ മുതിർന്ന താരങ്ങൾ പലരും പരിക്കേറ്റ് വിശ്രമത്തിലായതോടെ റോഡ്രി​ഗ സീനിയർ ടീമിലെത്തുമെന്നാണ് കരുതപ്പെട്ടിരുന്നു

ഇക്കുറി വമ്പൻ സൈനിങ്ങുകൾ നടത്തി റയൽ ആരാധകരെ ഞെട്ടിച്ചിരുന്നു. എന്നാൽ ലൂക്കാ ജോവിച്ച്, ഫെർലാൻഡ് മെൻഡി എന്നീ പുതിയ താരങ്ങൾ പരിക്കിന്റെ പിടിയിലാണ്. ഒന്നാം നമ്പർ ​ഗോളി തിബോ കോർട്ട്വയ്ക്കും പരിക്കേറ്റട്ടുണ്ട്.