വിഖ്യാത താരം വെയിൻ റൂണി ഇംഗ്ലീഷ് ക്ലബ് ഡെർബി കൗണ്ടിയുടെ മഖ്യപരിശീലസ്ഥാനമേറ്റെടുക്കാൻ സാധ്യത. ഇപ്പോൾ ക്ലബ് ക്യാപ്റ്റനായ റൂണി, ഡച്ച് പരിശീലകൻ ഫിലിപ്പ് കോക്കുവിൽ നിന്ന് ചുമതലയേറ്റെടുക്കുമെന്നാണ് സൂചന. ഇക്കാര്യത്തിൽ വൈകാതെ തീരുമാനമുണ്ടാകുമെന്നാണ് റിപ്പോർട്ടുകൾ.
ഈ വർഷം തുടക്കത്തിലാണ് രണ്ടാം ഡിവിഷൻ ക്ലബായ ഡെർബിയിലേക്ക് പ്ലേയർ-കോച്ച് റോളിൽ റൂണി വന്നത്. എന്നാൽ മുഖ്യപരിശീലകസ്ഥാനം കോക്കുവിനായിരുന്നു. ക്ലബ് ക്യാപ്റ്റനായി തുടർന്ന റൂണി 29 മത്സരങ്ങൾ കളിച്ചു. ഈ സീസണിൽ ഇപ്പോൾ ക്ലബ് 20-ാം സ്ഥാനത്ത് മാത്രമാണ്. ഈ സാഹചര്യത്തിലാണ് കോക്കുവിനെ നീക്കി റൂണിക്ക് മുഖ്യപരിശീലക ചുമതല നൽകാനുള്ള നീക്കങ്ങൾ. അതേസമയം റൂണി പരിശീലകനായാൽ,പരിചയക്കുറിവ് പരിഗണിണിച്ച് സഹപരിശീലകനായി ജോൺ ഗ്രിഗറിയെ കൊണ്ടുവരാനും നീക്കങ്ങൾ നടക്കുന്നുണ്ട്.
ഐ.എസ്.എൽ ക്ലബ് ചെന്നൈയിൻ എഫ്.സിയുടെ പരിശീലകനായിരുന്നു ഗ്രിഗറി. ചെന്നൈയിനെ ഐ.എസ്.എൽ നാലാം സീസണിൽ ജേതാക്കളാക്കിയ ഗ്രിഗറി കഴിഞ്ഞ വർഷം ക്ലബ് വിട്ടിരുന്നു. മുമ്പ് 2002-03 സീസണിൽ ഡെർബിയുടെ പരിശീലകനായിരുന്നു ഗ്രിഗറി.
